अमरावती : खासगी प्रवासी वाहतूक करताना नियमांचे पालन न करणाऱ्या वाहनांवर प्रादेशिक परिवहन कार्यालयाकडून (आरटीओ) दंडात्मक कारवाई केली जाते. नागपूर ते खंडवा, अमरावती ते खंडवा, अमरावती ते बैतुल या मार्गाने मध्यप्रदेशात जाणाऱ्या सुमारे ५९ खासगी बसगाड्यांची परतवाडा या मार्गावर तपासणी करण्यात आली. यामध्ये आतापर्यंत २५ सदोष वाहने आढळून आली आहेत.
खासगी बसचालकांवर मोटार वाहन कायद्याच्या विविध कलमान्वये दंडात्मक कारवाई करून सुमारे १ लाख ६७ हजार ७६५ रुपये इतका दंड आकारण्यात आला आहे. यापैकी ६२ हजार ४७५ रुपयांचा दंड वसूल करण्यात आला आहे. ही मोहीम गेल्या २ जानेवारीपासून राबविण्यात आली आहे.
