प्रतिनिधी विशाल येलोरे मोहदा- युवकाचा विहिरीत पडून मृत्यू झाल्याची घटना 20 सप्टेंबर रोजी घडली.सतीश मेश्राम वय (30) असे मृत युवकाचे नाव आहे,तो मोहदा येथील अग्रवाल यांच्या शेताजवळील नवीन पडलेल्या ले- आऊट मधील विहिरीकडे गेला होता.दरम्यान त्याच्या पाय घसरून तो त्या विहिरीत पडला, ही घटना ग्रामस्थांच्या लक्षात येताच विहिरीकडे धाव घेतली.ग्रामस्थांनी सर्वतोपरी मदतकार्य सुरू केले. मात्र तोपर्यंत त्या युवकाचा मृत्यू झाला होता.या घटनेची माहिती मोहदा येथील पोलीस पाटील पियुष गब्रानी यांना देण्यात आली.त्यांनी याबाबत पांडरकवडा पोलीसांना कळविले, पोलिसांनी घटनास्थळ गाठत मृतदेह विहिरीबाहेर काढुन उत्तरीय तपासणीसाठी पांडरकवडा ग्रामीण रुग्णालयात पाठविण्यात आला आहे.या प्रकरणी पोलिसांनी आकस्मित मृत्यूची नोंद केली.
