
प्रतिनिधी अमोल चव्हाण दर्यापूर: दर्यापूर, बनोसा, बाभळी येथील शेतकऱ्यांच्या सोयीसाठी तसेच धार्मिक स्थळी जाणाऱ्या भाविकांच्या सुविधेकरिता दर्यापूर जुनी वस्ती येथील हरिष हिंगणकर यांच्या घरापासून पेठइतबारपूरकडे जाणाऱ्या चंद्रभागा नदीवर पुलाद्वारे रस्ता जोडण्याबाबत खासदार बळवंत वानखडे यांना शंतनु बोरेकर मित्र परिवाराच्या वतीने निवेदन देण्यात आले.शेतकऱ्यांची गैरसोय दूर करण्याची मागणी:निवेदनात नमूद केल्यानुसार, पेठइतबारपूर शिवारामध्ये दर्यापूर, बनोसा, बाभळी येथील अनेक शेतकऱ्यांची शेतजमीन आहे. सध्या चंद्रभागा नदीवर पूल नसल्यामुळे शेतकऱ्यांना त्यांच्या शेतीच्या मशागतीसाठी, विशेषत: पावसाळ्याच्या दिवसांत, मोठा अडथळा येत आहे. ही गैरसोय दूर व्हावी, यासाठी तातडीने पुलाची आवश्यकता असल्याचे शंतनु बोरेकर मित्र परिवाराने स्पष्ट केले.धार्मिक स्थळाकडे जाणाऱ्या भाविकांसाठी सोय:यासोबतच, पेठइतबारपूर येथे दर्गा असून, या ठिकाणी मुस्लिम धर्मीय लोक तसेच हिंदू धर्मीय लोकही दर्शनासाठी जातात. या दोन्ही धर्मीय भाविकांच्या सोयीसाठी चंद्रभागा नदीवर पूल असणे अत्यंत आवश्यक आहे.आर्थिक तरतूद करण्याची विनंती:शंतनु बोरेकर मित्र परिवारातर्फे खासदार बळवंत वानखडे यांना पुलासाठी आर्थिक तरतूद करावी किंवा शासकीय योजनेमधून पूल बांधण्यासाठी कायदेशीर उपाययोजना आखण्यात यावी, अशी विनंती करण्यात आली आह








