दुबे परिवाराने 1954 पासून 2022 पर्यंत जुन्या वस्तीतून नगरसेवक पद राखले कायम
मूर्तिजापूर नगरपरिषदेच्या स्थापनेपासून, म्हणजे १९५४ पासून, येथील जुनी वस्ती परिसरातून दुबे परिवाराने नगरपरिषदेचे सदस्यत्व निवडणुकीत सतत कायम ठेवले आहे.पिढ्यानपिढ्या सातत्याने लोकप्रतिनिधित्व करून या परिवाराने मूर्तिजापूरच्या राजकारणावर आपली मजबूत पकड सिद्ध केली आहे. रामकिसन दुबे यांनी १९५४ मध्ये रोवली पायाभरणी मूर्तिजापूर नगरपरिषदेच्या सार्वत्रिक निवडणूक १९५४ च्या पहिल्या निवडणुकीत सर्वप्रथम रामकिसन दुबे हे विजयी झाले आणि नगरसेवेच्या या प्रदीर्घ परंपरेची सुरुवात झाली. त्यावेळी विठ्ठलराव नारायण जमादार हे नगराध्यक्ष होते, रामकिसन दुबे यांनी १९५४ ते १९६४ या दहा वर्षांच्या काळात सतत नगरसेवक म्हणून कार्यभार सांभाळला. रामदास दुबे यांचा २० वर्षांचा प्रदीर्घ कार्यकाळ रामकिसन दुबे यांच्यानंतर त्यांचे लहान बंधू रामदास दुबे यांनी राजकारणात प्रवेश केला आणि त्यांनी तब्बल २० वर्षे नगरपरिषदेचे नेतृत्व केले. त्यांच्यासोबत रामकिसन दुबेयांच्या पत्नी सुभद्राबाई दुबे यांनीही नगरसेविका म्हणून कार्यभार सांभाळला. पुढे, रामदास दुबे आणि त्यांची सूनबाई संध्याताई दुबे हे दोघेही एकाच वेळी नगरपरिषदेवर निवडून आले आणि त्यांनी पाच वर्षांचा कार्यकाळ पूर्ण केला. त्यानंतर १९९६ मध्ये रामदास दुबे आणि त्यांचे चिरंजीव द्वारकाप्रसाद दुबे हे पिता-पुत्र एकत्र नगरसेवक म्हणून निवडून आले आणि त्यांनी लोकांची सेवा केली.द्वारकाप्रसाद रामदास दुबे २५ वर्षांपासून नगरसेवक, दोन वर्षे नगराध्यक्षपदाची धुरा सांभाळली. द्वारकाप्रसाद दुबे हे १९९६ पासून म्हणजेच गेल्या २५ वर्षांपासून मूर्तिजापूर नगरपरिषदेचे नगरसेवक म्हणून निवडून येत आहेत. त्यांच्या पत्नी संध्याताई दुवे यांनीही सतत १०वर्षे नगरसेविका म्हणून प्रभावीपणे काम केले. दुबे परिवाराच्या राजकीय यशाचा कळस म्हणजे द्वारकाप्रसाद दुबे यांनी दोन वर्षे मूर्तिजापूर नगरपरिषदेचे नगराध्यक्षपदही भूषवले आहे. याचा अर्थ, १९५४ पासून २०२२ पर्यंत सुमारे ६८ वर्षांच्या काळात दुबे परिवारातील सदस्यांनी नगरपरिषदेचे सदस्यत्व अखंडपणे टिकवून ठेवले आहे, असे माजी नगराध्यक्ष तथा माजी नगरसेवक द्वारकाप्रसाद रामदास दुबे यांनी आमच्या प्रतिनिधीशी बोलताना सांगितले,२०२५ च्या निवडणुकीसाठीही तयारी जोरदार आता मूर्तिजापूर नगरपरिषद सार्वत्रिक निवडणूक २०२५ च्या तोंडावर आहे. या निवडणुकीसाठीही दुबे परिवाराने तयारी सुरू केली आहे. माजीनगराध्यक्ष द्वारकाप्रसाद दुबे यांनी सांगितले की, यावेळीही मोठ्या मताधिक्याने निवडून येण्यासाठी त्यांची तयारी जोरात सुरू आहे. एकूणच, मूर्तिजापूर नगरपरिषदेच्या स्थापनेपासून ते आजपर्यंत, नगरसेवकपद आणि नगराध्यक्षपद मिळवत, दुबे परिवाराने शहराच्या राजकारणात आपला प्रभाव आणि वारसा सातत्याने कायम ठेवून जपला आहे. २०२५ च्या निवडणुकी मध्ये सुद्धा सौं. संध्या द्वारकाप्रसाद दुबे १००% निवडून येतील अशी खात्री माजी न. पा अध्यक्ष द्वारकाप्रसाद दुबे यांनी आमच्या प्रतिनिधीशी बोलतांना व्यक्त केली.
