मुर्तीजापूर: सध्या मुर्तीजापूर शहरात राजकीय वातावरण प्रचंड तापले असून, आगामी नगराध्यक्षपदाच्या निवडणुकीत मोठे फेरबदल होण्याची शक्यता वर्तवली जात आहे. शहरातील गल्लीबोळात सध्या एकाच गोष्टीची चर्चा आहे – नगराध्यक्षपदाच्या राजकीय समीकरणातील अनपेक्षित बदल! सत्ताधारी पक्षाकडून मोठ्या संख्येने इच्छुक उमेदवारांनी गर्दी केली असताना, सोशल मीडियावर जाहीर झालेल्या एका उमेदवाराने ही चर्चा अधिकच वाढवली आहे.
युतीमध्ये ‘नगराध्यक्षपदाची जागा’ सोडावी लागणार? भाजपपुढे मोठे आव्हान
या राजकीय गदारोळात एक अत्यंत महत्त्वाचा मुद्दा चर्चेत आला आहे. शहरात अशी जोरदार चर्चा आहे की, युतीमधील अंतर्गत दबावामुळे भारतीय जनता पक्षाला (BJP) नगराध्यक्षपदाची जागा युतीतील घटक पक्षासाठी सोडावी लागू शकते.सत्ताधारी पक्षामध्ये इच्छुकांची गर्दी असूनही, जागावाटपाच्या समीकरणांमुळे भाजपला हा मोठा त्याग करावा लागण्याची शक्यता वर्तवली जात आहे. जर असे झाले, तर भाजपच्या स्थानिक कार्यकर्त्यांमध्ये मोठी नाराजी पसरू शकते आणि निवडणुकीच्या निकालावर याचा थेट परिणाम होऊ शकतो.
सत्ताधारी पक्षाचे ‘स्वप्न’ फक्त स्वप्नच राहणार?
सध्या सत्ताधारी पक्षाचे ‘कोअर ग्रुप’ आणि अंतर्गत समीकरणे नगराध्यक्ष पदासाठी जुळवण्याचे प्रयत्न थांबले असल्याचे दिसत आहे. यामुळे सामान्य नागरिकांमध्ये चर्चा आहे की, येणाऱ्या निवडणुकीत सत्ताधारी पक्षाला मुर्तीजापूर नगरपरिषदेचे (Murtizapur Nagar Parishad) नगराध्यक्षपद जिंकण्याचे स्वप्न हे फक्त स्वप्नच राहण्याची शक्यता आहे. पक्षांतर्गत गटबाजी आणि नव्या समीकरणांमुळे ही परिस्थिती निर्माण झाली आहे. भडंग’ शक्तीचे आव्हान! पैशाच्या जीवावर सत्ता?या चर्चेला आणखी एक गंभीर आयाम मिळाला आहे, तो म्हणजे नगराध्यक्षपदासाठी एका ‘भडंग’ व्यक्तीने कंबर कसल्याची बातमी. सूत्रांच्या माहितीनुसार, यावेळी नगराध्यक्ष हा सत्ताधारी पक्षाचा नसून, केवळ पैसा किंवा पैशाच्या जीवावर सत्ता मिळवणार का, असा थेट प्रश्न आता विचारला जात आहे.
नागरिकांमध्ये चर्चा आहे "राजकारणात पैशाचा खेळ इतका वाढला आहे की आता 'पार्टी' नव्हे, तर 'पॉकेट' महत्त्वाचे ठरणार की काय?"
या ‘भडंग’ व्यक्तीने सोशल मीडियावर आधीच उमेदवारी जाहीर केल्याने, त्याने सत्ताधारी पक्षाच्या इच्छुकांना एकप्रकारे उघड आव्हान दिले आहे. या अनपेक्षित उमेदवाराच्या आर्थिक पाठबळामुळे आणि ‘पैशाच्या जीवावर’ सत्ता मिळवण्याच्या भूमिकेमुळे शहराचे राजकारण ढवळून निघाले आहे. मुर्तीजापूरची निवडणूक ‘अर्थ’कारण विरुद्ध ‘राज’कारण आणि युतीचे आव्हान!मुर्तीजापूरची आगामी नगराध्यक्ष निवडणूक आता केवळ पक्षीय राजकारण न राहता, ‘अर्थ’कारण विरुद्ध ‘राज’कारण आणि युतीमधील जागावाटपाचे आव्हान अशी होण्याची चिन्हे आहेत. सत्ताधारी पक्ष अंतर्गत वाद मिटवून, युतीचे समीकरणे जुळवून आणि या ‘भडंग’ आव्हानाचा सामना करण्यासाठी कोणती रणनीती आखतो, याकडे संपूर्ण शहराचे लक्ष लागले आहे.
