मुर्तीजापूर: मुर्तीजापूर नगर परिषद निवडणुकीच्या पार्श्वभूमीवर प्रभाग क्रमांक एक (ब) मध्ये वंचित बहुजन आघाडीने एक अत्यंत महत्त्वपूर्ण घोषणा केली आहे. पक्षाचे निष्ठावान आणि सक्रिय कार्यकर्ते श्री. वैभव उर्फ भय्यू यादव यांची प्रभाग क्रमांक एक (ब) मधून सर्वसाधारण पदाकरिता उमेदवारी निश्चित करण्यात आली आहे. या घोषणेनंतर प्रभागात उत्साह आणि आनंदाची लाट पसरली असून, त्यांच्या निश्चित विजयाची चर्चा नागरिकांमध्ये जोर धरू लागली आहे.
ऍड.बाळासाहेब आंबेडकरांचा निष्ठावान कार्यकर्त्यावर विश्वासभय्यू यादव यांनी अनेक वर्षांपासून वंचित बहुजन आघाडीमध्ये एकनिष्ठ राहून आणि कोणतीही फळाची अपेक्षा न ठेवता अखंड कार्य केले आहे. त्यांची हीच पक्षाप्रतीची तळमळ आणि निष्ठा पाहून, पक्षाध्यक्ष ॲड. बाळासाहेब आंबेडकर यांनी त्यांच्या उमेदवारीवर शिक्कामोर्तब केल्याची चर्चा नागरिकांमध्ये आहे.
वंचित बहुजन आघाडीच्या वरिष्ठ नेत्यांनी वैभव उर्फ भय्यू यादव यांच्यावर दाखवलेला हा विश्वास, सामान्य कार्यकर्त्याला मिळत असलेल्या संधीचे उत्तम उदाहरण आहे. प्रभाग १/ब मध्ये विकासकामांचा धडाका: विजय निश्चित!प्रभाग क्रमांक एक (ब) मधील नागरिकांचे स्पष्ट मत आहे की, भय्यू यादव यांनी केवळ पक्षकार्यापुरतेच नव्हे, तर प्रभागातील विकासकामांसाठी सातत्याने प्रयत्न केले आहेत. पाणी, रस्ते आणि मूलभूत सुविधांच्या प्रश्नांवर त्यांनी नेहमीच आवाज उचलला असून, प्रभागात त्यांनी मोठ्या प्रमाणात विकासकामे मार्गी लावली आहेत.यांच्या कामाच्या अनुभवामुळे आणि नागरिकांशी असलेल्या मजबूत बांधिलकीमुळे, भय्यू यादव यांचा विजय निश्चितच असून ते मोठ्या मताधिक्याने विजयी होतील, अशी प्रबळ चर्चा प्रभागातील मतदारांमध्ये दिसून येत आहे. वंचित बहुजन आघाडीच्या धोरणांवर आणि भय्यू यादव यांच्या कामाच्या तळमळीवर मतदारांनी पूर्ण विश्वास व्यक्त केला आहे.यामुळे, मुर्तीजापूरच्या राजकारणात प्रभाग क्र. १/ब मध्ये वंचित बहुजन आघाडीचे भव्य यश निश्चितच अपेक्षित आहे.
