अमरावती. अमरावती येथील फ्रेजरपुरा येथील ‘तेलुगु समाज मंडळी’च्या पुढाकाराने आणि जालना येथील ‘तेलुगू समाज मंडळी’च्या सहकार्याने नुकताच जालना येथे सामूहिक विवाह सोहळा आयोजित करण्यात आला होता. या सोहळ्यात एकूण नऊ जोडप्यांनी विवाहबंधनात प्रवेश केला.समाजातील गरीब व गरजू कुटुंबांना आधार देण्यासाठी आणि अनावश्यक खर्च टाळून पारंपरिक पद्धतीने विवाह व्हावेत या उद्देशाने या सामूहिक विवाहाचे आयोजन करण्यात आले होते. अमरावती आणि जालना येथील तेलुगु समाज बांधवांनी मोठ्या संख्येने उपस्थित राहून नवविवाहित जोडप्यांना आशीर्वाद दिले. हा सोहळा समाजाच्या एकजुटीचे आणि सामाजिक बांधिलकीचे उत्तम उदाहरण ठरला.
