अकोला मनीष राऊत :शहर आणि जिल्ह्यात कायदा व सुव्यवस्था राखण्यासाठी अकोला पोलिसांनी कडक पावले उचलण्यास सुरुवात केली आहे. शहरातील २१ वा धोकादायक गुंड आकाश उर्फ करण थुकेकर (वय २४) याला एम.पी.डी.ए. (MPDA) अॅक्ट अंतर्गत एका वर्षासाठी स्थानबद्ध करून जिल्हा कारागृहात रवानगी करण्यात आली आहे.गंभीर गुन्ह्यांची पार्श्वभूमीआकाश थुकेकर हा अकोला शहरातील एक कुख्यात गुन्हेगार म्हणून ओळखला जातो. त्याच्यावर आतापर्यंत विविध पोलीस ठाण्यांत गंभीर स्वरूपाचे अनेक गुन्हे दाखल आहेत, ज्यामध्ये प्रामुख्याने खालील गुन्ह्यांचा समावेश आहे: * खुनाचा प्रयत्न * चोरी आणि घरफोडी * मारहाण व दुखापत करणे * बेकायदेशीर शस्त्र बाळगणेपोलिसांची कारवाईपोलीस अधीक्षक अर्चित चांडक यांच्या मार्गदर्शनाखाली पोलिसांनी ही कारवाई केली. ३० डिसेंबर २०२५ रोजी त्याला ताब्यात घेऊन जिल्हा कारागृहात स्थानबद्ध करण्यात आले. आगामी सण-उत्सव आणि निवडणुकांचा काळ लक्षात घेता शहरात शांतता राहावी, या उद्देशाने ही मोठी कारवाई करण्यात आली आहे.> पोलिसांचा इशारा: “सण आणि निवडणुकीच्या काळात कोणत्याही यू प्रकारे कायदा मोडणाऱ्यांवर आणि सामाजिक शांतता बिघडवणाऱ्यांवर यापुढेही अशीच कडक कारवाई केली जाईल,” असा इशारा पोलीस प्रशासनाकडून देण्यात आला आहे.
