PM Narendra Modi : दिल्लीमध्ये भाजपाचा विजय झाला आहे. २७ वर्षांनी दिल्लीमध्ये कमळ फुललं आहे. भाजपाने आपला धोबीपछाड दिला आहे. काँग्रेसला या निवडणुकीत १ आमदार ही संख्याही गाठता आलेली नाही. पंतप्रधान नरेंद्र मोदी यांनी या निकालाबाबत प्रतिक्रिया दिली आहे.
दिल्लीत भाजपाला स्पष्ट बहुमत
दिल्ली विधानसभा निवडणुकीच्या निकालांकडे संपूर्ण देशाचं लक्ष लागलं होतं. एकीकडे आम आदमी पक्षाकडून सत्ता कायम राखण्यासाठी जोर लावला जात होता तर दुसरीकडे भाजपाकडून दिल्लीतील २५ वर्षांची सत्तेची प्रतीक्षा संपवण्यासाठी जोरदार प्रचार करण्यात येत होता. काँग्रेस आणि आप यांच्यात न झालेल्या युतीचा भाजपाला फायदा होईल असं मानलं जात होतं. तेच निकालांमध्ये घडलं आहे. ८ फेब्रुवारीला लागलेल्या निकालांमध्ये भाजपाला स्पष्ट बहुमत मिळालं आहे. दरम्यान आप आणि काँग्रेस यांच्यातलं भांडण भाजपाचा फायदा करणारं ठरलं आहे यात शंकाच नाही.
