मूर्तीजापूर शहराच्या राजकारणात सध्या मोठी उलथापालथ होण्याची चिन्हे दिसत आहेत. आगामी नगराध्यक्ष पदासाठी इच्छूक असलेल्या दोन प्रमुख उमेदवारांमधील अंतर्गत ‘घरेलू’ संबंधांमुळे त्यांच्या कार्यकर्त्यांमध्ये मोठा तणाव निर्माण झाल्याची चर्चा आहे.
घरगुती संबंधांचा राजकारणावर परिणामदोघेही इच्छुक नगराध्यक्षपदाचे दावेदार आहेत, परंतु त्यांच्यातील वैयक्तिक जवळीक आता राजकारणावर परिणाम करताना दिसत आहे. यामुळे दोन्ही बाजूच्या कार्यकर्त्यांमध्ये संभ्रम आणि चिंतेचे वातावरण पसरले आहे. “रिश्ता” जपायचा की “राजकीय निष्ठा” हे ठरवताना कार्यकर्ते गोंधळात पडले आहेत
‘मुंबई बनवण्याचं स्वप्न’ हवेत!
एकीकडे, ज्या इच्छुकाने मूर्तीजापूरला ‘मुंबई बनवण्याचे’ स्वप्न दाखवले आणि ज्यांच्याकडे ‘बरसात पैसा’ (भरपूर पैसा) आहे, त्यांचे हे स्वप्न फक्त नावालाच राहणार अशी चर्चा शहरात आहे. त्यांच्या उमेदवारीवर आणि भूमिकेवर पडलेल्या सावलीमुळे शहरातील नागरिकांमध्ये नाराजी आहे.’ना घर के ना घाट के’ अवस्थाया संपूर्ण परिस्थितीमुळे स्थानिक इच्छुकांनाही मोठा धक्का बसला आहे. एका पक्ष च्या वतीने सुरू असलेल्या हालचाली आणि दुसरीकडे सोशल मीडियाच्या माध्यमातून थेट उमेदवारी घोषित होण्याची चर्चा, यामुळे स्थानिक दावेदार चिंतेत आहेत. राजकीय वर्तुळात सध्याची स्थिती म्हणजे ‘ना घर के ना घाट के’ किंवा ‘दुश्मन अनाज के’ अशी झाल्याची चर्चा आहे.पाण्याच्या आश्वासनावर प्रश्नचिन्ह!मूर्तीजापूर शहरात राजकारणाचे नेमके काय चित्र पाहायला मिळते, हे पाहणे महत्त्वाचे ठरणार आहे. विशेषतः, ज्या इच्छुकांनी सोशल मीडियाच्या माध्यमातून मूर्तीजापूर शहराला पाण्याचे आश्वासन दिले होते, त्यांच्या विरोधात मूर्तीजापूरकरांनी पाण्यासंबंधीच्या मुद्द्यावरून तीव्र नाराजी व्यक्त केली होती. एवढेच नाही, तर सोशल मीडियावर उमेदवारी जाहीर करण्याच्या त्यांच्या कृतीचा निषेध म्हणून त्यांच्या पुतळ्याला जाळलेसुद्धा होते, अशी चर्चा शहरात आहे. अशा उमेदवाराला परत मूर्तीजापूर शहर निवडून देणार का, हा कळीचा प्रश्न सध्या चर्चिला जात आहे.
उमेदवारी कोणाला मिळते आणि या दोन इच्छुकांच्या संबंधांचा अंतिम परिणाम काय होतो, याकडे सर्वांचे लक्ष लागले आहे.
