मुर्तीजापूरच्या राजकारणात ‘पैशाचा पाऊस’! ‘पुष्पा’ स्टाईल ‘हवाला’ने निवडणूक आयोगाला आव्हान?

0
5

मूर्तिजापूर अकोला प्रतिनिधी मनीष राऊत : अवघ्या महाराष्ट्रात नगरपरिषद निवडणुकीचे वारे वाहत असताना, मूर्तिजापूर शहराचे राजकारण सध्या कमालीचे तापले आहे. सूत्रांकडून मिळालेल्या माहितीनुसार, येथील निवडणुकीने आता एक वेगळी आणि गंभीर कलाटणी घेतली आहे. ‘पुष्पा’ चित्रपटातील ‘हवाला’ प्रमाणे शहरात मोठ्या प्रमाणात पैशांचा पाऊस पडण्याची चर्चा असून, यामुळे निवडणूक आयोगाला मोठे आव्हान उभे राहिले आहे. पैशाचे राजकारण शिगेला:प्रचारासाठी कमी वेळ मिळाल्याने, आता निवडणुकीचा केंद्रबिंदू थेट पैशाचे राजकारण बनला आहे. शहरातील विविध प्रभागांमध्ये छुप्या मार्गाने पैशांची देवाणघेवाण सुरू असल्याची जोरदार चर्चा नागरिकांमध्ये आहे. अनेक नागरिकांमध्ये ही बाब चिंतेचा विषय ठरली आहे. ‘पुष्पा’ स्टाईल ‘हवाला’ची चर्चा:ज्याप्रमाणे ‘पुष्पा’ चित्रपटात अवैध मार्गाने पैसा फिरवला जातो, त्याच धर्तीवर मूर्तिजापूरमध्ये निवडणुकीच्या तोंडावर हवाला मार्गाने पैशांचा व्यवहार होण्याची शक्यता वर्तवली जात आहे. कोणत्या प्रभागात आणि कोणत्या पद्धतीने हा पैसा चालणार, याबद्दल नागरिकांमध्ये कुजबुज सुरू आहे. निवडणूक आयोगासमोर मोठे आव्हान:शहरातील नागरिकांच्या मते, हे पैशाचे राजकारण लोकशाही प्रक्रियेसाठी अत्यंत धोकादायक आहे. गोरगरीब व अपक्ष उमेदवारांचे टेन्शन वाढले आहे, कारण या धनशक्तीसमोर उभे राहणे त्यांच्यासाठी जवळपास अशक्य झाले आहे.या गंभीर परिस्थितीमुळे, निवडणूक आयोग या आव्हानाला तोंड देण्यासाठी किती सज्ज आहे, हा प्रश्न आता चर्चिला जात आहे. आयोगाने त्वरित कठोर पाऊले उचलून, या अवैध व्यवहारांवर नियंत्रण मिळवण्याची मागणी सुजाण नागरिक करत आहेत.

LEAVE A REPLY

Please enter your comment!
Please enter your name here