ज्वालादीप अकोला प्रतिनिधी मनीष राऊत :- राज्य निवडणूक आयोगाने महापालिका निवडणुकीच्या मतदार यादीचा सुधारित कार्यक्रम निश्चित केल्यानंतर, अकोला महापालिकेच्या प्रभागनिहाय अंतिम मतदार संख्येला ‘फायनल’ स्वरूप देण्यात आले आहे. महापालिका कार्यक्षेत्रातील वीसही प्रभागांची अंतिम मतदार संख्या जाहीर झाली असून, यामध्ये एकूण ५ लाख ५० हजार ६० मतदारांचा समावेश आहे. यात महिला मतदारांची संख्या पुरुषांपेक्षा किंचित जास्त असून, दोन्ही मतदारांची संख्या जवळपास समान आहे.निवडणूक विभागाचे प्रमुख अनिल बिडवे यांनी दिलेल्या माहितीनुसार, एकूण मतदारांपैकी २,७४,८७७ पुरुष मतदार तर २,७५,१४२ महिला मतदार आहेत. या आकडेवारीनुसार, महिला मतदारांची संख्या पुरुषांपेक्षा २६५ ने अधिक आहे.आदर्श आचारसंहिता लवकरच लागू होण्याची शक्यताराज्यातील २९ महापालिकांचा कार्यकाळ तीन वर्षांपूर्वी संपुष्टात आला आहे. या पार्श्वभूमीवर महापालिकेच्या मतदार यादीची प्रक्रिया प्रशासकीय स्तरावर सुरू होती. आता ही प्रक्रिया २७ डिसेंबरपर्यंत पूर्ण करावी लागणार आहे. नगरपरिषद आणि नगरपंचायत निवडणुका पार पडल्यानंतर, आता जिल्हा परिषद आणि पंचायत समितीच्या निवडणुकांपूर्वी महापालिका निवडणुका जाहीर होण्याची दाट शक्यता वर्तवली जात आहे. त्यामुळे महापालिका सार्वत्रिक निवडणुकीची आदर्श आचारसंहिता याच डिसेंबर महिन्यात लागण्याची शक्यता आहे.प्रभागनिहाय मतदारांची अंतिम संख्या (तक्ता)| प्रभाग क्रमांक | पुरुष मतदार | महिला मतदार | एकूण मतदार संख्या ||—|—|—|—|| १ | १३२४८ | १३४४५ | २६६९७ || २ | १४८५२ | १५८२१ | ३०६८१ || ३ | ११३७१ | ११२२५ | २२६०१ || ४ | १३४२८ | १३००१ | २६४३० || ५ | ११२६५ | ११४३३ | २२६९८ || ६ | १०६०४ | १०५८५ | २१९८९ || ७ | १४३७० | १४५९३ | २८९६६ || ८ | १४८२७ | १४१७३ | २९००१ || ९ | १५६४४ | १५८२५ | ३१४६९ || १० | १४२५३ | १४४७६ | २८७३० || ११ | १४७५२ | १५०७५ | २९८२९ || १२ | ११०५५ | ११०४३ | २२०९८ || १३ | १४७१६ | १४३९५ | २९१११ || १४ | १६०५४ | १५७२५ | ३१७८१ || १५ | ११८३७ | ११९३० | २३७६७ || १६ | १३२१४ | १३३१८ | २६५३३ || १७ | १५५२८ | १५८३८ | ३१३६६ || १८ | १६२७६ | १५८७९ | ३२१५९ || १९ | १२५५६ | १२३५८ | २४९१६ || २० | १५३२८ | १४७०८ | ३००३८ || एकूण | २७४८७७ | २७५१४२ | ५५००६० |सर्वाधिक मतदार प्रभाग १८ मध्ये: प्रभाग क्रमांक १८ मध्ये सर्वाधिक ३२,१५९ मतदार आहेत, तर प्रभाग क्रमांक ६ मध्ये सर्वात कमी २१,९८९ मतदार आहेत.
